MINNEAPOLIS — Ibinigay ng Utah Jazz si three-time Defensive Player of the Year Rudy Gobert sa Minnesota Timberwolves kapalit ng apat na first-round picks kasama sina No. 22 draft pick Walker Kessler, Patrick Beverley, Jarred Vanderbilt at Malik Beasley.
Makakasama ni Gobert sa Timberwolves sina Karl-Anthony Towns, D’Angelo Russell at Anthony Edwards.
Mananatili naman sa kanilang mga koponan sina Zach LaVine, Devin Booker at Ja Morant sa Chicago Bulls, Phoenix Suns at Memphis Grizzlies, ayon sa pagkakasunod.
Pumirma si LaVine sa five-year, $215 million maximum deal sa Bulls, lumagda si Booker sa four-year, $224 million contract sa Suns at pumayag si Morant sa five-year, $193 million extension sa Grizzlies.
Umalis si Gary Payton II sa NBA champions Golden State Warriors matapos lagdaan ang three-year, $28 million deal sa Portland Trail Blazers.