Gilas reresbak sa New Zealand

MANILA, Philippines — Tiwala si coach Nenad Vucinic na kayang ma­silat ng Gilas Pilipinas ang host na New Zealand sa kanilang bakbakan para sa third window ng 2023 FIBA World Cup Asian Qualifiers sa Eventfinda Stadium sa Auckland.

Sasagupain ng Gilas (1-1) ang New Zealand (3-0) ngayong alas-3:30 ng hapon (Manila time) sa Group A bago umuwi sa bansa para naman mag­handa sa laban kotra India (0-3) sa Linggo sa Mall of Asia Arena sa Pasay City.

“We can beat New Zealand. We can beat India,” ani Vucinic na gagabay sa Gilas matapos magsilbing timon sa dalawang tune-up games kontra South Korea no­ong nakaraang linggo.

“We have to play very well though, to beat them, especially against New Zealand,” dagdag nito.

Yumukod ang Nationals sa New Zealand, 63-88, sa second window sa Smart Araneta Coli­seum noong Pebrero.

At bagama’t hindi ma­giging madali ang mis­yon ngayon dahil sa undermanned at undersi­zed 11-man roster sa pa­ngunguna ni Kiefer Ra­vena, umaasa si Vucinic sa potensyal na ipapamalas ng bagitong koponan.

Makakasama ni Ra­ve­na sa Gilas team sina RJ Abarrientos, SJ Belangel, Rhenz Abando, Geo Chiu, Lebron Lopez, William Navarro, Ke­vin Quiambao, Dwight Ramos, Carl Ta­mayo at Dave Ildefonso.

Wala si naturalized pla­yer Ange Kouame da­hil sa injuries (meniscal sprain at partial ACL tear).

“We’ve got a young team here and it’s up to them to prove that they can play at that level and that they can play important games like these two qualifying games,” ani Vucinic.

Naglaro ng professio­nal basketball ang Ser­bian-New Zealand na si Vucinic sa New Zealand at hinawakan ang natio-nal team nito bilang head coach simula 2006 hanggang 2014.

 

Show comments