Big winner ang karerista mula sa Tondo
MANILA, Philippines — Biglang naging milyonaryo ang isang kareristang taga-Tondo matapos manalo ng winner-take-all (WTA) noong Huwebes na karera na ginanap sa San Lazaro Leisure Park sa Carmona, Cavite.
Namuhunan lang ng P288.00 ang karerista sapat upang masolo ang P2,123.280.60 dibidendo matapos manalo ang pitong kabayong napili niya sa pitong races.
Nakuha ng karerista ang mga nanalong Work From Home, Chloespirit, Big Bertha, Double Rock, O Sole Mio, Beli Bell at Markees Angel mula race 1 hanggang race 7, ayon sa pagkakasunod.
Nagpalaki ng dibidendo ng winner-take-all ay ang pagkakapanalo ng dehadong O Sole Mio na sinakyan ni jockey John Alvin Guce.
Sinabi ni Philippine Racing Commission (PHILRACOM) chairman Reli De Leon na napatunayan na hindi kailangang mamuhunan ng malaking taya para manalo at maging milyonaryo at kailangan lamang na pag-aralan ang performances ng mga kabayong tatakbo.
“This goes to show that one does not have to place a big investment to win millions in horse racing. I am just happy for all those big winners! May we have more bettors who win millions out of a small capital,” wika ni Leon.
Wala namang nakakuha sa Pick Six event kaya magkakaroon ng carry-over sa susunod na karera sa pista ng San Lazaro.
Ang pinakamalaking napanalunan na WTA ngayong taon ay P4.5 milyon noong Pebrero 20 pangalawa noong Marso na may mahigit na P3 milyon at pangatlo noong Huwebes.
- Latest
