Letran kukunin ang titulo
MANILA, Philippines — Pipilitin ng nagdedepensang Letran Knights na kumpletuhin ang 2-0 sweep sa Mapua Cardinals para angkinin ang kanilang back-to-back championship.
Magtutuos ang Knights at Cardinals ngayong alas-3 ng hapon sa Game Two ng Season 97 NCAA men’s basketball championship sa Filoil Flying V Arena sa San Juan City.
Inaasahang makakamit ni Rhenz Abando ng Letran ang NCAA Rookie of the Year at Most Valuable Player awards matapos magposte ng mga averages na 15.73 points, 6.36 rebounds, 1.73 assists at 1.27 blocks per game.
Makaraang isuko ang Game One, 63-68, ay determinado ang Mapua na makatabla para makahirit ng ‘winner-take-all’ Game Three sa susunod na Linggo sa MOA Arena sa Pasay City.
Hangad ng Letran ang kanilang ika-12 sunod na panalo at magiging unang koponan na nakawalis at nagkampeon sa isang NCAA season matapos ang San Beda noong 2010.
- Latest
