Bodybuilding team umuwing luhaan
MANILA, Philippines — Nabawasan ng potensyal na gintong medalya ang Team Philippines sa 31st Southeast Asian Games dahil sa kabiguan ng nine-member national bodybuilding team na makapagsumite ng doping certificate.
Dahil dito ay hindi na nakasali sa kanilang mga weight divisions sina Edward Alido, Leidon Cruz, Alexis Abule, Roderick Ternida, Homer Valmonte, Jesse Virata, Renz Alimorong, Ming Jereza at Lorie Deloria.
“It is unfortunate that our Bodybuilding Team will no longer compete in their respective events in the 31st SEA Games,” pahayag ng IFBB Philippines sa kanilang Facebook page.
“This was personally relayed to the team this morning by the Philippine Olympic Committee President, Abraham Tolentino, who exhausted all efforts to address the circumstance.”
Nakasaad sa SEA Games technical handbook na ang lahat ng participating athletes ay dapat magsumite ng doping at clearance certificates para makasali sa biennial meet.
Ito ang ikaapat na pagkakataon na isinama ang bodybuilding event sa SEA Games calendar na ang huli ay noong 2013 sa Myanmar.
- Latest
