Puso ng pangulo sa sports
Ilang araw na lamang eh, bababa na sa puwesto si Presidente Duterte at hahalili ang mananalo sa halalang idinaos kahapon.
Malaki ang impact sa sports ng pagpapalit ng manunungkulan sa Malacañang.
Sa panahon ni Presidente Duterte, umarangkada nang husto ang Philippine sports.
Biggest highlights ang four-gold haul ng bansa sa 2018 Jakarta Asiad, overall championship sa 2019 Southeast Asian Games at ang breakthrough medal harvest sa Tokyo Olympics na pangunahing tampok ang kauna-unahang ginto na sinungkit ni weightlifter Hidilyn Diaz.
Ano ang tulong ng Malacañang? Ang kumpas na ibuhos ang suporta sa mga national athletes.
Naroon din ang kanyang mismong presensya sa laban ng mga atletang Pilipino.
Di ba’t naroon siya sa Philippine Arena, umiindak pa sa tunog ng musika sa pagparada ng Philippine delegation papasok sa arena?
Kasama sa kanyang suporta ang pagpapatayo ng modern playing venues sa Clark.
Naroon din ang kanyang personal na presensya sa laban ng mga athletes.
Di ba’t ilang laban ng Gilas Pilipinas na naroon siya sa playing venue?
Personal niyang tinanggap sa Palasyo ang mga national athletes paalis ng bayan tungo sa laban at mga umuwing atletang dala ang karangalang sinungkit sa ibang bansa.
Sa lagpas tatlong dekada ko sa Philippine sports, wala akong nakitang Pangulo na ta-talo sa arugang ipinakita ni Presidente Duterte sa mga atleta.
Nawa’y may puso rin sa sports ang susunod na Pangulo ng bansa.
- Latest
