Ravena at Ramos magkakasukatan sa Japan B.League
MANILA, Philippines — Magkakasubukan sina Gilas Pilipinas teammates Thirdy Ravena at Dwight Ramos sa salpukan ng San-en NeoPhoenix at Toyama Grouses sa umiinit na 2021-2022 Japan B. League.
Sisiklab ang aksyon sa alas-4:05 ng hapon (Manila time) sa homecourt nina Thirdy sa Toyohashi City Gym at ang mageawagi ay makakaalpas nang bahagya sa team standings.
Parehong nasa ibaba ng 22-team B. League ang San-en sa ika-21 puwesto hawak ang 8-37 kartada at Toyama na nasa 15th place place bitbit ang18-29 baraha.
Kagagaling lang nina Thirdy at Ramos sa impresibong kampanya para sa Gilas noong isang buwan sa 2023 FIBA World Cup Asian Qualifiers sa Smart Araneta Coliseum.
Bahagi rin ang dalawang ace cagers ng Gilas pool para sa 31st Southeast Asian Games sa Mayo sa Vietnam pagkatapos ng kanilang mga laro sa B. League.
Samantala, magpapambuno rin sa all-Filipino duel sina Ray Parks Jr. ng Nagoya Diamond Dolphins at Kobe Paras ng Niigata Albirex BB sa alas-2:05 ng hapon.
Paborito ang Dolphins sa Niigata.
- Latest
