Ateneo, La Salle target ang 3-0 record
MANILA, Philippines — Target ng Ateneo de Manila University at De La Salle University na makuha ang 3-0 rekord para mas mapatatag ang kanilang kapit sa liderato sa UAAP Season 84 men’s basketball tournament ngayong araw sa Mall of Asia Arena sa Pasay City.
Magsisimula ang quadruple-header tampok ang pakikipagtuos ng Ateneo sa Adamson University sa alas-10 ng umaga na agad susundan ng duwelo ng La Salle at Far Eastern University sa ala-1 ng hapon.
Kasalukuyang okupado ng Ateneo at La Salle ang unahan ng standings bitbit ang 2-0 baraha.
Bagama’t maganda ang inilalaro ng kanyang bataan, walang balak si Blue Eagles head coach Tab Baldwin na magpakampante.
“Those wins are behind us. They’re irrelevant. The only game that matters is Adamson now. We just worry about what’s in front of us,” ani Baldwin.
Mapapalaban ang Ateneo sa Adamson na galing sa matikas na 82-66 panalo laban sa University of the East noong Martes.
Solido rin ang La Salle na nakasakay sa dalawang sunod na panalo kung saan nasilayan na ang paglalaro ni transferee Mark Nonoy na galing sa UST.
Nakapaglaro na si Nonoy na hindi nasilayan sa aksyon sa kanilang huling laro dahil sa hamstring injury.
Inaasahang reresbak ang Tamaraws na galing sa masaklap na kabiguan sa kamay ng Blue Eagles.
“I choose to look at the positives (despite the loss to Ateneo) with the performance of (Emman) Ojuola against Kouame.,” ani FEU head coach Olsen Racela.
Masisilayan din ang duwelo ng at NU sa alas-4 ng hapon kasunod ang mainit na bakbakan ng UE at UST sa alas-7 ng gabi.
- Latest
