Thirdy, Ramos sasalang ulit sa B.League
MANILA, Philippines — Hindi pa rin nakalaro sina Gilas Pilipinas aces Dwight Ramos at Thirdy Ravena sa kanilang mother teams na magkaiba ang naging resulta sa Japan B.League
Kahit wala si Ramos ay nakasukbit ng panalo ang Toyama Grouses kontra Shibuya, 89-76, matapos ang 78-91 pagyukod sa una nilang banggaan noong Sabado.
Ininda naman ng San-en NeoPhoenix ang patuloy na absence ni Thirdy sa dalawang sunod na kabiguan nila kontra sa Alvark Tokyo, 62-87 at 59-90.
Umangat sa 16-22 ang rekord ng Toyama habang sumadsad sa 5-30 ang San-en.
Nakabalik na sina Ramos at Thirdy sa Japan subalit hindi muna isinalang sa laban ng kanilang mga mother teams matapos magsilbi sa Gilas sa katatapos na 2023 FIBA World Cup Asian Qualifiers sa Pilipinas.
Inaasahang maglalaro na ulit sila ngayong linggo para tulungan ang kanilang mga koponan na nasa ibaba ng B.League standings.
Samantala sa Taiwan, inalat si Jason Brickman nang magkasya lang sa limang puntos sa dikit na 90-91 pagkatalo ng Kaohsiung Aquas (12-5) sa New Taipei CTBC DEA na bagong lider ng T1 League hawak ang 13-7 baraha.
- Latest