Holiday itinakas ang Bucks sa Heat
MILWAUKEE — Isinalpak ni Jrue Holiday ang isang driving layup sa huling 1.9 segundo para ihatid ang nagdedepensang Bucks sa 120-119 pag-eskapo sa Eastern Conference-leading Miami Heat.
Kinailangang bumangon ng Milwaukee (38-25) mula sa 14-point deficit sa huling anim na minuto ng fourth period para manatili sa No. 4 spot sa East.
Nagwakas naman ang four-game winning streak ng Miami (41-22).
Tumapos si Holiday na may 25 points para sa Bucks habang kumolekta si Giannis Antetokounmpo ng 28 points, 17 rebounds at 5 assists.
Ang triple ni Khris Middleton sa huling 13.5 segundo ang nagdikit sa Milwaukee sa 118-119 agwat kasunod ang jump ball ni Antetokounmpo kay Jimmy Butler sa posesyon ng Miami.
Tinapik ni Antetokounmpo ang bola kay Bobby Portis at ipinasa ito kay Holiday pababa ng court para sa kanyang winning basket.
Sa iba pang laro, iginupo ng NBA-leading Phoenix Suns ang Portland Trail Blazers, 120-90; wagi ang Utah Jazz sa Houston Rockets sa overtime, 132-127; tinalo ng Charlotte Hornets ang Cleveland Cavaliers, 119-98; at dinaig ng Indiana Pacers ang Orlando Magic, 122-114
- Latest
