Ravena, Ramos ‘di mahihirapan sa sistema ni Reyes sa Gilas
MANILA, Philippines — Suwabe ang nagiging adjustment nina Japan B. League stalwarts Thirdy Ravena at Dwight Ramos sa Gilas Pilipinas tampok ang pamosong dribble-drive system ni head coach Chot Reyes.
Ayon sa dalawang rising stars, walang problema sa kanilang transition sa bagong sistema ilang araw bago ang first window ng 2023 FIBA World Cup Asian Qualifiers sa Pebrero 24-28 sa Smart-Araneta Coliseum.
“First time ko under kay coach Chot with the dribble-drive as the primary offense. They’re very hands on sa pagtulong sa akin to try and get the offense and pick it up as soon as i could,” ani Ravena sa ‘Power and Play’ program ni Noli Eala.
Matatandaang naglaro sa ilalim ng sistema ni dating head coach Tab Baldwin si Ramos sa 2021 FIBA Asia Cup Qualifiers at si Ravena sa Ateneo bago sumalang sa Japan at bumalik ngayon sa Gilas.
Nakakuha ng basbas sina Ravena (San-en) at Ramos (Toyama) na umuwi ng bansa upang samahan ang Gilas sa kabila ng natirirang iskedyul sa B.League bago ang sariling kampanya ng Japan sa WC qualifiers.
Bukod sa kanila ay nasa adjustment din ang ibang Gilas cadets na sina Will Navarro, Tzaddy Rangel, Jaydee Tungcab, Ange Kouame, Juan Gomez de Liaño sa tulong ng TNT Tropang Giga core ni Reyes.
Haharapin ng Gilas ang South Korea (dalawang beses), New Zealand at India sa Group A ng WC qualifiers.
- Latest