Esports official medal event na sa Asian Games
MANILA, Philippines — Nadagdagan ang events ng 2022 Asian Games matapos isama ng Olympic Council of Asia (OCA) ang Esports bilang official medal sport.
Walong events ang mapapabilang sa official list at dalawa naman ang magiging demonstration events sa Hangzhou Asian Games na na idaraos sa Setyembre 10 hanggang 25 sa Hangzhou, China.
Kasama sa official list ang Arena of Valor Asian Games Version, Dota 2, Dream Three Kingdoms 2, EA SPORTS FIFA branded soccer games, HearthStone, League of Legends, PUBG Mobile Asian Games Version at Street Fighter V.
Magiging demonstration events ang AESF Robot Masters-Powered by Migu at AESF VR Sports-Powered by Migu.
“We hope that this announcement allows all participating teams ample time to prepare and equip themselves ahead of the qualifying stages,” ani OCA director general Husain Al-Musallam.
May Esports na noong 2018 Asian Games sa Jakarta, Indonesia ngunit bahagi lamang ito ng demonstration events.
- Latest