Leylah at Alex
Championships sa pro boxing, title run ni Yuka Saso sa US Women’s Open golf at golden breakthrough sa Tokyo Olympics.
Umaarangkada ang mga Filipino athletes hindi lang sa basta-bastang international sports competitions, kung hindi sa biggest stage at grandest arena.
At nariyan ang badya ng isa pang tagumpay sa Flushing Meadows sa New York.
Kasalukuyang pinapalakpakan ang Cinderella run ni Fil-Canadian Leylah Fernandez sa US Open women’s tennis. At pinapapurihan din si Pinay wonder girl Alex Eala sa kanyang ratsada sa US Open girls singles and doubles.
Big Friday (Thursday sa US) ang aabatan ng Pinas dahil sasabak sa semifinals si Fernandez at sa quarterfinals si Eala.
Tangka ni Fernandez na abutin ang championship match sa pakikipagharap kay second seed Aryna Sabalenka ng Belarus.
Crowd darling si Fernandez matapos ang upset wins kontra kina defending champion Naomi Osaka ng Japan at three-time major champion Angelique Kerber ng Germany.
Asam naman ni Eala na umusad sa juniors semis sa kanyang laban kay Sebastianna Sclipoti ng Switzerland.
At buhay ang pag-asa ni Eala para sa posibleng double-championship dahil nakarating din siya sa doubles quarterfinals kasama ang Belarusian partner na si Hanne Vandewinkel.
Sana eh hindi maunsyami. At sana kumampi sa atin ang Lady Luck na gawing US Open Queen at Princess sina Leylah at Alex.
- Latest