Wright itinakas ang Phoenix vs Rain or Shine
MANILA, Philippines — Isinalpak ni Matthew Wright ang isang krusyal na turnaround jumper sa huling 2.6 segundo para itakas ang Phoenix sa Rain or Shine, 78-77, sa 2021 PBA Philippine Cup kahapon sa DHVSU Gym sa Bacolor, Pampanga.
Tinapos ni Wright ang laro na may 4 points mula sa 1-of-15 fieldgoal shooting para sa 2-4 record ng Fuel Masters.
“Matthew Wright is Matthew Wright. He will find a way to win,” sabi ni coach Topex Robinson sa kanyang kamador na isinalpak ang basket sa huling 2.6 segundo para sa 78-76 abante ng Phoenix (2-4).
Bumangon ang Fuel Masters mula sa 59-74 pagkakabaon sa Elasto Painters sa gitna ng fourth quarter para agawin ang 76-74 bentahe mula sa tirada ni RR Garcia sa huling 41.2 segundo.
Itinabla ni Gabe Norwood ang Rain or Shine (4-3) sa 76-76 sa nalalabing 25.9 segundo kasunod ang jumper ni Wright para sa 78-76 bentahe ng Phoenix sa huling 2.6 segundo.
Mintis naman ang ikalawang free throw ni Elasto Painters’ center Beau Belga sa natitirang 1.7 segundo na sumelyo sa panalo ng Fuel Masters.
Sa unang laro, sinagasaan ng NLEX ang Alaska, 84-74, matapos makabangon mula sa 10-point deficit sa third period para sa kanilang 3-2 baraha.
- Latest