Super loaded

Tirada ni Yahoo Sports sports columnist Ben Rohrbach na walang puwedeng gamiting dahilan ang Brooklyn Nets kung hindi mapapanalunan ang 2021 NBA championship.

Aniya malaking salengkwang para sa koponan kung kapusin at hindi makuha ang korona.

Super loaded daw ang Brooklyn na pinangu-ngunahan ng dalawang MVP winners na sina Kevin Durant at James Harden, seven-time All-Star Kyrie Irving, six-time All-Star Blake Griffin at ni deadly shooter Joe Harris.

Isama pa sina Jeff Green, Bruce Bowen, Landry Shamet at Nicolas Claxton, eh talaga naman top heavy at malalim ang bench ng Brooklyn Nets.

Loaded at fresh na fresh dahil galing sa pahinga sina Durant, Harden at Irving papasok ng playoffs.

Kaparehong mga bagay ang makikita sa koponang San Miguel sa PBA.

Dominant champion team na, nadagdagan pa ng dalawang scoring champs sa katauhan nina Terrence Romeo at CJ Perez.

At dahil galing sa injuries, may matinding pananabik sa laro at gigil manalo sina June Mar Fajardo at Romeo sa kanilang much-awaited comeback.

Si Perez naman eh malaki ang pagnanasa na manalo ng PBA crown.

Ang mga gaya nina Arwind Santos, Alex Cabagnot, Chris Ross at Marcio Lassiter eh hindi nawawala ang gutom na manalo.

Loaded, motivated, hungry.

‘Yan ang San Miguel Beermen papasok sa PBA Season 46.