Mami-miss si Pingris

MANILA, Philippines — Umapaw ang pagbati at pagpupugay ng mga fans, teammates, kaibigan at coaches mula sa PBA at Gilas Pilipinas kay “Pinoy Sakuragi” Marc Pingris kasunod ng desisyon niyang mag-retiro na sa basketball matapos ang 16 taon.

“End of an era. Certainly one of a kind. I loved, in every way, coaching Ping. Tough as nails on the court, gentle in spirit off it. Marc will be the standard from which I coach future players. My favorite,” ani coach Tim Cone na nakasama si Pingris sa 2014 grand slam ng San Mig Coffee.

Bukod kay Cone, sumaludo rin kay Pingris at sa kanyang makulay na career ang mga Gilas teammates na sina Ranidel De Ocampo, Gabe Norwood at June Mar Fajardo na nakasama niya sa makasaysayang national  team noong 2013 nang nakabalik ang bansa sa World Cup matapos ang 35-taon. Hindi rin nagpahuli sina Paul Lee, Terrence Romeo, Thirdy Ravena, Robert Bolick, Troy Rosario, Rodney Brondial, Ray Parks, Kevin Alas, Jeff Chan, Juan Gomez De Liano at RR Garcia na iniidolo ang tubong Pozorrubio, Pangasinan.

Sa 16 taon sa PBA ay nagwagi si Pingris ng siyam na kampeo-nato, dalawang Finals MVP, 15 All-Star Selections, tatlong Defensive Player of the Year at naging miyembro din ng PBA 40 Greatest Players.