Tokyo guidelines

Testing to the max ang haharapin ng mga atleta at iba pang participants sa paggulong ng Tokyo Olympics sa gitna ng pandemya.

Ito eh ayon sa 60-page, second version ng “Playbooks” na inilabas ng International Olympic Committee at ng local organizers. Ito ang Bible ng Tokyo Olympics o guidelines sa mga haharap sa COVID-19 habang isinasagawa ang Tokyo Games.

Bago pumasok sa Tokyo, dapat dumaan na sa dalawang tests ang mga participants. At panibagong test pagpasok sa Japan.

Hindi matatapos doon ang testing.

Ang mga atleta ay ite-test araw-araw sa kabuuan ng kanilang Tokyo stay.

Hindi lang specified sa “Playbooks” kung anong klaseng test. Kung swab araw-araw, araguy ang loob ng ilong ng mga participants.

Bawal sumakay sa pampublikong sasakyan, kung hindi sa dedicated vehicles lang. Bawal din kumain sa kung saan-saan, kung hindi sa catering facilities sa Games venues at Athletes Village lamang. Madali ang mga bagay na ito.

Ang tingin kong mabigat eh ang testing araw-araw.

Habang target ng mga athleta ang medal-yang ginto, kasama sa isipan nila ang resulta ng kanilang daily test.

Patibayan ng dibdib! Patibayan ng paglaban sa pesteng virus!