Ratsada ng mga Asyano

Sa harap ng ‘Asian hate’ sa ilang lugar sa US, ang resbak ng Asia eh matinding ratsada sa sports world.

Dumagdag si Hideki Matsuyama sa nagbidang Asyano sa larangan ng palakasan sa gitna ng pandemya nang sungkitin nito ang green jacket sa Augusta National – tanda nang pagiging Masters champion.

Ang Masters ay isa sa apat na golf major tournaments. Umukit ng kasaysayan bilang unang Japanese Masters winner si Matsuyama kahapon sa Augusta, Georgia.

Noong Pebrero, isa ring Hapones sa katauhan ni Naomi Osaka ang tinanghal na Australian Open (tennis) women’s champion.

Dalawang major events na parehong pinagwagian ng mga Asyano.

Nakikinita ko ang maraming golden moment ng mga Asyano sa Tokyo Olympics.

Bukas ang floodgates ng sporting triumphs para sa mga Asian athletes at hindi ako magugulat kung may kasamang Pinoy na tatayo sa tuktok ng Olympic podium sa Tokyo.

Top bet si gymnast Caloy Yulo at ‘di puwedeng tawaran ang kakayanan ng mga boxers na sina Eumir Marcial, Carlo Paalam, Nesthy Petecio at Irish Magno.

Kung samahan ng good breaks, maaari rin magmedalya sina weightlifter Hidilyn Diaz at pole vaulter EJ Obiena.

Sana naman!