Celtics inawat ang Bucks

MILWAUKEE — Humataw si Jayson Tatum ng 34 points  habang may 23 markers si Marcus Smart para banderahan ang Boston Celtics sa 122-114 panalo sa Bucks.

Winakasan ng Boston (22-23) ang eight-game winning streak ng Milwaukee (29-15).

Nilimitahan ng Cel-tics si Bucks’ superstar forward Giannis Anteto-kounmpo sa 16 points na mas mababa sa kanyang 28.6 average habang may 19 at 17 markers sina Khris Middleton at Jrue Holiday, ayon sa pagkakasunod.

Sa Salt Lake City, kumamada si Donovan Mitchell ng 35 points at may 25 markers si Rudy Gobert para sa 117-114 paglusot ng Utah Jazz (33-11) sa Memphis Grizzlies (21-21).

Sa Detroit, naglista si James Harden ng 44 points, 14 rebounds at 8 assists sa 113-111 pagtakas ng Brooklyn Nets (31-15) sa Pistons (12-32).

Sa New Orleans, kumolekta si Nikola Jokic ng 37 points at 9 assists para tulungan ang Denver Nuggets (27-18) na angkinin ang 113-108 panalo sa Pelicans (19-25).

Sa Charlotte, umiskor si Malik Monk ng 32 points at naglista si  Terry Rozier ng 26 points at career-high 11 assists sa 110-105 tagumpay ng Hornets (23-21) sa Miami Heat (22-24).

Sa Orlando, tumipa ang bagong hugot na si guard Norman Powell ng 22 points tampok ang limang triples sa 112-105 paggupo ng Portland Trail Blazers (27-18) sa Magic (15-30).

Sa Minneapolis, humakot si Karl-Anthony Towns ng 29 points at 16 rebounds at may 19 markers si Juancho Hernangomez sa 107-101 paggapi ng Minnesota Timberwolves (11-34) sa Houston Rockets (12-32).