Nalungkot ang mga karerista
MANILA, Philippines — Biglang lumupaypay ang balikat ng mga karerista matapos kanselahin ang lahat ng karera noong Sabado at Linngo sa San lazaro Leisure Park sa Carmona, Cavite.
Hindi natuloy ang muling pagtakbo sa pista ng Super Suwerte sa magaganap sanang PHILRACOM Commissioner’s Cup.
Balitang muling lumalago ang bilang ng mga nagpositibo sa coronavirus (COVID-19) kaya naman naghihigpit muli ang gobyerno sa pagpapatupad ng health protocols para sa kaligtasan ng mga tao.
Para makatulong sa panawagan ng gobyerno ay itinigil muna ang pakarera ng Manila Jockey Club Inc. (MJCI).
“The race schedule for today, 21 March 2021 (Sunday) is cancelled as a precautionary measure for the benefit of the entire racing industry. The health and welfare of all racing participants and industry stakeholders should always be the primary consideration.” statement ng PHILRACOM.
Kinansela rin ang karera noong Sabado, sa ngayon ay nag-aabang ang mga karerista kung hanggang kailan ititigil ang karera o pati sa ibang pista ay tigil karera na rin.
“PHILRACOM shall inform all our stakeholders on the resumption of races at the soonest possible time.” naka-post sa facebook page ng karera
May kabuuang 13 races ang hindi nailarga noong Linggo sa pista ng San Lazaro.
- Latest
