Phoenix Suns pinasadsad ang LA Lakers
LOS ANGELES — Inis-kor ni Dario Šari? ang 10 sa kanyang 21 points sa fourth quarter at nagdagdag si Mikal Bridges ng 19 markers para pamunuan ang 114-104 tagumpay ng Phoenix Suns sa nagdedepensang Lakers.
Inilista ng Phoenix ang kanilang 23-11 record bagama’t nasibak si star guard Devin Booker, tumapos na may 17 points, sa 7:10 minuto ng third quarter dahil sa pagre-reklamo sa officiating.
Muling binanderahan ni LeBron James ang Los Angeles (24-12) sa kanyang 38 points kasunod ang 17 markers ni Dennis Schröder.
Sa Milwaukee, humakot si center Nikola Jokic ng 37 points, 11 assists at 10 rebounds para sa kanyang ika-siyam na triple-double at inihatid ang Denver Nuggets (20-15) sa 128-97 pagdomina kay Giannis Antetokoumpo at sa Bucks (21-14).
Nagdagdag si Jamal Murray ng 24 markers para sa ikatlong sunod na panalo ng Nuggets.
Sa Boston, humataw si Kemba Walker ng 25 points para ihatid ang Celtics (18-17) sa 117-112 panalo laban sa Kawhi Leonard-less na Los Angeles Clippers (24-13).
Sa Miami, humugot si Trae Young ng 13 sa kanyang 18 points sa fourth quarter para sa 94-80 panalo ng Atlanta Hawks (15-2) sa Heat (17-18).
- Latest
