Razon may pabakuna sa Olympics-bound athletes
MANILA, Philippines — Tiniyak kahapon ni businessman Enrique Razon na mabibigyan ng vaccines ang mga national athletes at coaches na magtutungo sa 2021 Olympic Games sa Tokyo, Japan sa Hulyo.
Pinasalamatan ni Philippine Olympic Committee (POC) president Rep. Abraham “Bambol” Tolentino ang pagsagot ni Razon sa coronavirus disease (COVID-19) vaccines para sa Team Philippines na lalahok sa nasabing quadrennial event.
“We would like to thank Mr. Enrique Razon for providing our Olympics-bound athletes with vaccines,” ani Tolentino. “Rest assured, our athletes would be protected from the virus as they escalate their training and preparation for Tokyo.”
Hindi kasama ang mga elite athletes sa prayoridad ng gobyerno na bigyan ng COVID-19 vaccines dahil hindi sila itinuturing na frontliners.
Sina world champion gymnast Carlos Yulo, pole vaulter Ernest John Obiena at boxers Eumir Felix Marcial at Irish Magno pa lamang ang mayroong Olympic ticket.
“I’m sure that with the generosity of Mr. Razon, especially in these difficult times, would further spur our athletes to focus on the Olympics without fear of getting infected,” sabi ni Tolentino sa chairman ng International Container Terminal Services Inc.
Ang Moderna vaccine ay nagkakahalaga ng $26 ( P1,250). Kumpiyansa si Tolentino na matutuloy ang 2021 Tokyo Olympics sa kabila ng pagtaas ng kaso ng COVID-19 sa Japan.
- Latest
