Virtual na lang ang Palarong Pambansa
MANILA, Philippines — Apektado ang pagdaraos ng Palarong Pambansa sa inilabas na circular ng Games and Amusements Board (GAB), Department of Health (DOH) at Phi-lippine Sports Commission (PSC) dahil base sa Joint Administrative Order (JAO) ay mahigpit pa ring ipinagbabawal ang pagdaraos ng mga non-professional leagues at sporting events sa gitna ng coronavirus disease (COVID-19) pandemic.
“We’re planning to hold virtual Palarong Pambansa,” ani Department of Education (DepEd) Palarong Pambansa Director Joel Erestain sa Philippine Sportswriters Association (PSA) webcast edition kahapon. “Kaso nga lang hindi na siya iyong full spectrum of the sporting events ng Palaro.”
Sa ilalim ng JAO ay tanging ang mga professional sports lamang ang maaaring magdaos ng events sa loob ng isang ‘bubble’ environment.
“Nakikita namin ang situation ng Palarong Pambansa this year. There is a very big possibility that it might continue until next year kasi it will all depend on how the vaccines are rolled out nationwide, especially on students,” ani Erestain.
- Latest