Saling pusa
Mainit na usapin sa social media ang SMB-Terrafirma trade agreement involving CJ Perez.
Ganoon din sa kung saan-saang umpukan ng mga PBA followers, kasama na ang Tropang Kubo sa Valenzuela.
Eto ang isang huntahan nila:
Kandong Pabaya: Dapat tanggalin na lang ang trade transactions at pagalingan na lang sa pagpili ng players sa annual rookie draft.
Odie Chua: Eh paano kung ayaw pumirma nung player doon sa team na kumuha sa kanya sa draft?
Kandong: Eh ‘di maghanap siya ng ibang liga na lalaruan. Bawal din dapat ang trading ng draft rights at sundin lang ang draft order, eh sigurado mababalanse ang liga.
Odie: Eh kailan mawawala ang karapatan ng koponan ng isang manlalaro?
Kandong: Kapag ‘di na sila magkasundo, at hindi na papirmahin ng team ang player, doon magiging free agent ang player.
Odie: Nakow may butas ‘yan panukala mo. Puwedeng mag-inarte lang ang magaling na player para bitawan siya ng maliit na team, pagkatapos tatalon sa mas maperang koponan.
Kandong: Eh di i-ban muna three to five years ang mga tinapon na players bago maging eligible uli for recruitment.
Kandong: At eto pa, para masigurong competitive ang lahat ng teams at maganda ang mapanood na laban ng mga fans, ‘yung kulelat lagi sa PBA eh ibaba muna sa D-League, para ‘di siya saling pusa lang sa PBA.
- Latest