Tolentino PhilCycling president pa rin
MANILA, Philippines — Matapos muling mailuklok bilang pangulo ng Philippine Olympic Committee (POC) ay napanatili ni Abraham ‘Bambol’ Tolentino ang kanyang puwesto bilang pesidente ng Integrated Cycling Fede-ration of the Philippines (PhilCycling) sa isinagawang eleksyon kahapon sa East Ocean Palace restaurant sa Pasay City.
Ang lahat ng nakibahagi sa eleksyon ay sumailalim sa antigen swab tests.
Sa pagsisimula ng taong 2021 ay kaagad paplantsahin ni Tolentino ang pagdaraos ng PhilCycling ng national championships para sa road, mountain bike at BMX mayroon mang bakuna o wala pa para sa coronavirus disease COVID-19.
Ang nasabing mga kompetisyon ay gagawin ng PhilCycling sa loob ng isang ‘bubble’, ayon kay Tolentino. “I am looking at Clark or Subic for the national championships for road and Tagaytay City for BMX and mountain bike,” sabi ng cycling chief. “If the PBA (Philippine Basketball Association) did it in Clark, we could do the same in the same venue, in Subic and Tagaytay.”
- Latest
