Travel City Racing Fest ilalarga sa December 20

MANILA, Philippines — Tiyak na masisiyahan ang bayang karerista sa pakarera ng Metro Turf sa Disyembre 20 dahil sa ilalargang 7th Pasay ‘The Travel City’ Racingfest.

Tampok ang 7th Pasay ‘The Travel City’ Cup kung saan naghihintay ang total prizes na P500,000 sa Top 4 Placers habang tatanggap ng trophy ang winning owner, trainer, jockey.

Magbabanatan ang mga tigasing kabayo sa Imported/Local 4-Year-Old & Above sa distansyang 1,600 meters.

Pakakawalan din ang 7th Pasay Cong. Tony Calixto Cup na may guaranteed prize na P350,000.

Mga 3-Year-Old Local Colts & Fillies naman ang magpapakitang gilas sa1,600 meters.

Ang ibang naka line up na stakes races sa nasabing petsa ng karera ay ang 7th Pasay City Mayor Emi Calixto-Rubiano Cup na may P350,000 na ikakalat sa unang apat na kabayong tatawid sa meta at para ito sa mga 3-Year-old Imported Colts & Fillies na babaybayin ang distansyang 1,600 meters.

Aabangan din ang 6th Former Pasay OIC Mayor Duay Calixto Memorial Cup at 11 Trophy Races  na may mga added Prize na P30,000 + Trophy sa mga mananalong kabayo.

Ang mga nabanggit na stakes races ay suportado ng Philippine Racing Commission, (PHILRACOM).