Pagbubuklod ng sports leader prayoridad ni Tolentino
MANILA, Philippines — Sakaling makuha ang kanyang ikalawang sunod na termino ay hindi programa sa Philippine Olympic Committee (POC) ang magiging prayoridad ni incumbent president Abraham ‘Bambol’ Tolentino.
Ayon sa pangulo ng cycling federation at kinatawan ng ika-8 Distrito ng Cavite sa Kongreso, uunahin niya ang pagbubuklod sa Philippine sports.
“What will be my first move, my first move is to reach out with all the NSAs and to unite sports and forget the politics and move and focus, especially to Tokyo Olympics and aim for the first-ever gold of the country,” wika kahapon ni Tolentino sa Philippine Sportswriters Association (PSA) Forum.
Target ni Tolentino ang kanyang full term sa pagsagupa kay Atty. Clint Aranas ng archery para sa presidential post ng POC election sa Biyernes sa East Ocean Restaurant sa Macapagal Avenue sa Pasay City.
Masusubaybayan ito via livestreaming.
Nauna nang ibinasura ng POC election committee ang disqualification case na isinampa ni Aranas laban kina Tolentino, Tom Carrasco ng triathlon, Cynthia Carrion-Norton ng gymnastics, Dave Carter ng judo at Dr. Jose Raul Canlas ng surfing dahil sa iba’t ibang isyu.
Ang 54 botante ay binubuo ng 51 National Sports Association (NSAs) kasama sina Athletes Commission representatives Hidilyn Diaz ng weightlifting at Jhessie Lacuna ng swimming at IOC Representative to the Philippines Mikee Cojuangco-Jaworski.
Gagamit ng ‘vote via sealed ballot’ sina Diaz, ang 2016 Rio silver medalist, Teresita Uy ng canoe-kayak, Mariano Araneta ng football, Benito Lim ng skating at Atty. Paulo Claudio ng sambo.
- Latest
