Phoenix, Ginebra angat na
MANILA, Philippines — Isang panalo na lang ang kailangan ng Gin Kings at Fuel Masters para maplantsa ang kanilang best-of-seven championship showdown.
Binalikan ng Barangay Ginebra ang Meralco, 91-84 habang tinakasan ng Phoenix ang TNT Tropang Giga, 92-89 sa Game Three ng kanilang semifinals showdown sa 2020 PBA Philippine Cup kahapon sa Angeles University Foundation Gym sa Angeles, Pampanga.
Inilista ng Gin Kings at Fuel Masters ang 2-1 abante sa kani-kanilang best-of-five semifinals duel para makalapit sa PBA Finals.
Binanderahan ni guard Stanley Pringle ang Ginebra sa kanyang 24 points, 9 rebounds at 6 assists para sa Ginebra at nagtala ng 14, tig-12 at 10 markers sina Prince Caperal, LA Tenorio, Japeth Aguilar at Joe Devance, ayon sa pagkakasunod.
Kumolekta naman si Matthew Wright ng 26 points tampok ang limang three-point shots para sa Phoenix at humakot si Calvin Abueva ng 24 points, 14 rebounds, 6 assists, 4 steals at 1 block.
“It’s just all about confidence. Our team believes in each other. The coahcing staff believes in the players and the players believes in the cocching staff,” sabi ni Matthew Wright na humataw ng 26 points tampok ang limang three-point shots para sa Phoenix.
“Again, you’ll never know when you’ll get this chance again so no matter what the game is, it’s always about again just trying to enjoy it,” ani coach Topex Robinson. “We already overachieved coming to this series.”
Ang jumper ni Wright sa natitirang 22.6 segundo ang muling naglayo sa Fuel Masters sa 92-89.
- Latest
