Patok ang mga karera ngayon
MANILA, Philippines — Lahat ng races ngayong araw ay may mga pa- premyo kaya inaasahang dadagsa ang mga karerista sa Off-Track Betting stations upang manaya at suportahan ang ini-idolong mga kabayo.
Ilan sa mga tampok na karera ang bakbakan ng mga matutulin na kabayo sa 25th “MARHO Bredeer’s Sprint race, 3-Year-Old Colt & Filly Mile at “MARHO Bredeer’s Classic.
Anim ang kalahok sa Sprint kung saan pinapaboran ng mga liyamadista ang Senor Lucas na gagabayan ni class A rider Dan Camañero pero ayon sa ibang tiyempista, inaasahan ding magpapakitang-gilas ang madedehadong Ava’s Dream.
May P300,000 ang mananalong kabayo sa karerang lalahukan din ng Stardust, Brandy Drinker, Dansalan at Agi Daw na sasakyan ni former Philippine Sportswriters Association, (PSA) Jockey-of-the-Year awardee Jessie B. Guce. Tatanggap ng P112,500 ang second placer habang P62,500 at P25,000 sa third at fourth.
- Latest
