Alyssa Valdez walang bahid ng pangangalawang
MANILA, Philippines — Walang bahid ng pangangalawang si three-time UAAP MVP Alyssa Valdez sa kabila ng mahigit isang taon na pagkakabakante sa mga actual competitions.
Sa kanyang post sa Instagram, mabagsik pa rin ang 5-foot-9 outside hitter kung saan ilan beses itong nagpakawala ng malalakas na atake sa isang free spiking drill.
Katuwang ni Valdez sa ensayo si Ateneo de Manila University libero Dani Ravena, kapatid ng boyfriend niyang si Kiefer, na taga-set ng bola sa ginawang basketball/volleyball court sa bahay nila.
“Tara, game!” ayon sa post ni Valdez na tila sabik nang magbalik sa competitive volleyball matapos maantala ang mga torneo sa taong ito dahil sa coronavirus disease (COVID-19) pandemic.
Orihinal sanang magbubukas ang Reinforced Conference ng Premier Volleyball League (PVL) noong Mayo subalit kinansela ito dahil sa pandemya.
Inaasahang magbabalik-aksiyon ang volleyball sa susunod na taon.
- Latest