United City FC kampeon sa PFL
MANILA, Philippines — Hinirang na kampeon ang United City FC pagkatapos ma-lock-in ng dalawang linggo sa loob ng bubble ang anim na teams.
Kahit may natitira pang laro ay kinahon na ng United City FC ang titulo sa Philippines Football League (PFL) na ginaganap sa PFF national training center sa Carmona, Cavite.
Malinis sa apat na laro ang United City FC para sa 12 points at wala nang habol ang mga nasa likuran nila.
Kinalos ng United City FC, dating Ceres-Negros FC, ang Stallion Laguna, 7-1 noong Biyernes para sikwatin ang pang-apat na PFL title.
Napaaga ang pagsilo ng United City FC sa korona matapos ang scoreless draw ng secong running Kaya FC-Iloilo sa Maharlika FC 1991 kaya wala na silang habol sa United City.
Unang nakapuntos ang United City mula sa goal ni Mike Ott sa sixth mi-nute play.
Naitabla agad ito ng Stallion sa 1-1 pero huling puntos na nila iyon at rumagasa ng anim na goals ang United City FC para sikwatin ang panalo.
No bearing na ang huling laban ng United City laban sa Kaya FC-Iloilo bukas pero kailangan nilang ilaro ito para pormal na tanghaling kampeon.
- Latest