Slaughter puwedeng bumalik sa Gilas

MANILA, Philippines — Walang dudang malaki ang maitutulong ni seven-foot center Greg Slaughter para sa kampanya ng Gilas Pilipinas sa 2021 FIBA Asia Cup Qualifiers.

Matapos ang walong buwan pananatili sa US ay nagbalik kamakailan sa bansa ang dating sentro ng Ateneo Blue Eagles sa UAAP at nagparamdam ng kanyang pagbabalik sa Gin Kings.

“I’m open to all possibilities. My level of play has elevated,” sabi ni Slaughter, ang No. 1 overall pick ng Ginebra noong 2013 at hinirang na PBA Rookie of the Year sa sumunod na taon.

Umaasa ang Samahang Basketbol ng Pilipinas (SBP) na makukuha nila ang serbisyo ni ‘Gregzilla’ para makatulong sa Gilas Pilipinas sa 2021 FIBA Asia Cup Qualifiers na ipagpapatuloy sa susunod na buwan.

“I think with the SBP, they’re just waiting to see my talks with Ginebra before they get into any talks with me,” ani Slaughter.

Ito rin ang hinihintay ni SBP program director Tab Baldwin para makuha si Slaughter.

“There are processes that have to be taken care of and have to be done correctly,” ani Baldwin sa paghugot nila sa four-time PBA champion na si Slaughter.