Nakahinga si Aldin Ayo
MANILA, Philippines — Nakahinga nang maluwag si dating UST head coach Aldin Ayo matapos malinis ang pangalan sa anomang paglabag sa Inter-Agency Task Force protocols bunsod ng di umano’y kontrobersyal na Growling Tigers training bubble sa Sorsogon.
“I feel vindicated by the result of the Sorsogon City PNP Investigation on the alleged IATF violations in our activity in Capuy, Sorsogon; which was duly confirmed by the Office of the Governor in the Province of Sorsogon,” ani Ayo sa opisyal na pahayag.
Ayon sa Sorsogon PNP report na sinertipikahan ni Governor Chiz Escudero, walang nalabag na anomang ordinansa at IATF protocols si Ayo sa ginawa nilang aktibidad sa kanyang hometown na Capuy, Sorsogon noong Hunyo sa gitna ng pandemya.
Taliwas kasi sa mga naunang ulat, lumabas sa imbestigasyon ng Sorsogon PNP na walang team basketball training na idinaos ang Growling Tigers doon bagkus ay nagkaroon lamang na farm work at training.
Umaasa si Ayo na ang development na ito ay nagpapatunay na wala siyang nagawang kasalanan ay makakatulong sa kanyang apela na ikunsidera ng UAAP ang ipinataw nitong indefinite ban sa kanya.
“It is a big boost to my appeal for reconsideration of the UAAP indefinite ban imposed upon me,” dagdag niya.
- Latest
