Sino ang papalit kay Ayo sa UST?
MANILA, Philippines — Patuloy na nadaragdagan ang mga aplikante para sa head coaching job sa University of Santo Tomas (UST) at inaabangan ng lahat kung sino ang papalit sa nagbitiw at na-ban na si Aldin Ayo.
Mga proud Thomasian alumni at ilang dekalibreng mentors ang nauna nang nag-apply at nitong huli ay nadagdag sina Lenny Reyes, Chris Daleo at Jinino Manansala na naitalaga ring head coach ng UST Tiger Cubs bago pumutok ang Sorsogon bubble controversy.
Assistant coach din si Manansala sa UST seniors team kasama si McJour Luib na nagbitiw sa naturang puwesto kasabay ni Ayo.
Si Daleo naman na head coach ng Thailand national team na nag-uwi ng silver medal sa likod ng Gilas Pilipinas noong 30th Southeast Asian Games ay interesado sa consultant role sa UST dahil sa pagmamahal niya sa Philippine basketball playstyle.
Ang mga naunang aplikante ay sina Siot Tanquing-cen, Ed Cordero, Gilbert Lao, Estong Ballesteros, Chris Cantonjos, Potit De Vera at Aries Dimaunahan na pare-parehong produkto ng España squad. Nag-apply din sina Rain or Shine assistant coach Chris Gavina at legendary Alaska import Sean Chambers.
Nauwi sa biglaang paghahanap ng bagong mentor ang UST ngayon matapos malagay sa sentro ng kontrobersiya si Ayo simula pa noong nakaraang buwan na nagbunga sa kanyang resignation at parusang indefinite ban sa UAAP.
- Latest
