Pinagpapaliwanag ang Alabang Golf

MANILA, Philippines — Pinagpapaliwanag ng Sports Joint Administrative Order (JAO) group ang Alabang Golf and Country Club tungkol sa di-umano’y pagdaraos ng golf tournament sa gitna ng pandemya.

Binubuo ng Philippine Sports Commission (PSC), Games and Amusements Board (GAB) at Department of Health (DOH), nakipagpulong na ang JAO group sa National Golf Association of the Philippines (NGAP) at Muntinlupa City upang ta-lakayin ang posibleng violation sa government protocols ng Alabang Golf and Country Club.

Kumatawan sa NGAP si secretary general Bones Floro habang si city deputy administrator Atty. Genesi Santiago naman na ang kumatawan sa Muntinlupa.

“We have both the JAO and the Omnibus Guidelines of the IATF to consider so we will report to the IATF (Inter-Agency Task Force) once we get their side,” ani PSC Chairman William “Butch” Ramirez.

Matapos ang inisyal na pagpupulong ay pinagpapasa ngayon ng JAO group ang Alabang Golf and Country Club ng ulat tungkol sa naturang alegasyon bago magpulong uli para  tukuyin kung mayroon nga bang violations bago ipasa IATF.

Noong Mayo pa pinayagan ang pagla-laro ng golf bilang non-contact sport sa ilalim ng general community quarantine (GCQ) su-balit hindi pa rin puwede sa ngayon ang anomang opisyal na torneo.