Ayo ban sa UAAP

MANILA, Philippines — Totoo nga ang training bubble ng University of Santo Tomas (UST) sa Capuy, Sorsogon at ang kanilang nagbitiw na head coach na si Aldin Ayo ang utak nito kaya ang hatol ng University Athletics Association of the Philippines (UAAP) Board of Trustees (BOT) ay indefinite ban sa dating UST mentor.

Nagdesisyon ang UAAP-BOT na hindi maaaring bigyan ng kahit na anong posisyon si Ayo ng kahit na alin man sa lahat ng walong member-schools ng liga.

“After a thorough deliberation, the UAAP-BOT ratified the decision of the BMD to ban coach Aldin Ayo indefinitely from participating, in any capacity, in all UAAP events and UAAP sanctioned-acitivities,” ayon sa inilabas na statement ng Board na binubuo ng mga presidente ng mga member scools ng UAAP. “The ban is based on the UST report that showed Ayo endangering the health and well-being of the student athletes under his charge when he conducted the training du-ring a government-declared state of public emergency intended to arrest the COVID-19 outbreak.”

Ito ang naging rekomendasyon ng UAAP Board of Managing Directors (BMD) laban kay Ayo na nagdala ng men’s basketball team ng UST sa kanyang probinsiya sa Sorsogon na posibleng violation sa quarantine protocols ng gobyerno.

Nasa kamay na ng Department of Justice at ng Department of Local Interior Government ang parusang ipapataw sa UST matapos ang isinumiteng report ng Inter-Agency Task Force (IATF) investigating team na binubuo ng mga kinatawan ng Philippine Sports Commission (PSC), Department of Health (DOH), Games at Amuserment Board (GAB) kasama ang Commission on Higher Education (CHED).

Nagbitiw sa UST si Ayo noong September 5 matapos ang dalawang taong pagko-coach sa Tigers.