Boston isa na lang
LA Clippers umangat sa 2-1
LAKE BUENA VISTA, Florida— Simple lang ang game plan mula kay Boston Celtics head coach Brad Stevens: magtayo ng matinding depensa na magbibigay sa kanila ng kontrol sa laro.
Sinunod ito ng Celtics team para paluhurin ang reigning NBA champions Toronto Raptors sa Game Five, 111-89 tampok ang 27 points ni Jaylen Brown at kunin ang 3-2 abante sa kanilang Eastern Conference best-of-seven semifinal series sa NBA playoffs dito.
Isang panalo na lang ang kailangan ng Boston para makapasok sa East Finals.
“It’s the playoffs,” wika ni Brown. “Got to come out ready to fight every single night. If not, that’s how you lose. So our guys came out ready to fight tonight.”
Nagdagdag si Kemba Walker ng 21 markers para sa Celtics habang may 18, tig-15 at 12 ponts sina Jayson Tatum, Daniel Theis at Brad Wanamaker at Marcus Smart, ayon sa pagkakasunod.
Pinamunuan ni guard Fred VanVleet ang Raptors sa kanyang 18 at may 16 markers si Norman Powell.
Nag-ambag sina Pascal Siakam, Kyle Lowry at Matt Thomas ng tig-10 points para sa Toronto, iniwanan ng Boston sa 37-25 bago ibinaon tangan ang 60-32 kalamangan sa halftime.
Samantala, inagaw naman ng Los Angeles Clippers ang 2-1 abante sa kanilang sariling Western Conference semis showdown ng Denver Nuggets matapos angkinin ang 113-107 panalo sa Game Three.
Pinamunuan ni Paul George ang Clippers sa kanyang 32 points, 4 assists at 4 rebounds at nagposte si Kawhi Leonard ng 23 markers, 14 boards, 6 assists at 2 blocks. Nagsumite naman si center Nikola Jokic ng 32 points, 12 rebounds at 8 assists sa panig ng Nuggets.
- Latest
