Kai Sotto excited na
MANILA, Philippines — Hindi mapigilang i-share ni Filipino teen sensation Kai Sotto ang excitement sa bagong chapter ng kanyang basketball life sa pagsisimula ng kanyang training sa kanyang NBA G League team sa California para sa kanilang debut sa 2021 Season.
“Beginning of a new chapter that’s ‘bout to be legendary,” post ni Sotto sa kanyang Instagram.
Sumali na rin sa training camp ang iba pang high school standouts na sina Jalen Green, Jonathan Kuminga, Isaiah Todd, Daishen Nix at Princepal Singh na babandera sa G League select team sa ilalim ng bagong pro pathway program tungo sa NBA.
Sumabak agad sa unang araw ng ensayo si Sotto kasama ang kanyang mga teammates at ipinasilip pa ang kanyang opisyal na G League jersey. Mag-susuot ang 7-foot-2 giant ng no. 11 jersey kapareho ng kanyang numero sa Ateneo Blue Eagles sa UAAP at sa Gilas Pilipinas sa FIBA international tournaments.
Sa Walnut Creek, California ang homecourt ng G League select team na gagabayan ni NBA champion Brian Shaw. Aalalay din sa mga top prospects sina assistant coach Rasheed Abdul-Rahman, video coordinator Jerry Woods at athletic trainer Pete Youngman.
- Latest
