Out sa NBA bubble si Montrezl, JaMychal in
MANILA, Philippines — Umalis si Los Angeles Clippers center Montrezl Harrell sa Disney World Resort dahil sa family emergency, ayon sa ulat sa sports website na The Athletics ni Shams Charania ngunit hindi pa malinaw kung babalik siya sa naturang resort para sa NBA restart sa July 30.
Nagpa-practice na ang 22-teams na nasa loob ng NBA bubble at nakatakdang simulan ang scrimma-ges sa July 22.
Kaugnay nito, nagpakita na si forward JaMychal Green sa team nitong Biyernes.
May mga ulat na wala pa sa loob ng Disney Complex sina forward Marcus Morris, center Ivica Zubac at guard Landry Shamet at wala ring maisagot si coach Doc Rivers kung bakit ‘absent’ ang mga naturang players.
Samantala, hindi kasama ang mga laro sa NBA bubble sa botohan para sa NBA individual awards kaya tukoy na ang MVP, Rookie of the Year, Sixth Man, Coach of the Year at Defensive Player of the Year, ayon pa sa hiwalay na balita ni Charania.
“The decision to exclude seeding games from awards voting ensures a fair process in which players and coaches from all 30 teams will have the same opportunity to be honored,” ayon sa memo ng NBA base sa report.
- Latest
