Kawhi quarantine muna
ORLANDO, Florida — Dumating na si Kawhi Leonard sa Disney Complex pero kailangan muna niyang mag-quarantine bago makasama sa practice ng LA Clippers, ayon sa ulat ni Chris Haynes ng Yahoo.
Nag-practice na ang Clippers sa Walt Disney World Resort noong Biyernes ngunit di kasama si Leonard dahil kailangan muna niyang sumunod sa mga quarantine at covid testing requirements bago makapag-participate sa mga activities.
Sasalang ang Clippers kontra sa LA Lakers sa se-cond game ng re-opening night doubleheader sa July 30.
Si Leonard ay nag-a-average ng team-best na 26.9 points ngayong season para sa Clippers na pumapanga-lawa sa Western Conference sa likod ng Lakers. Siya ang reigning NBA Finals MVP matapos tulungan ang Toronto na manalo ng titulo noong nakaraang season.
Ang Clippers ay 38-13 kapag naglalaro si Leonard, 6-7 kapag wala siya. May 17-3 record din ang Clippers kapag umiiskor si Leonard ng ‘di bababa sa 30-puntos ngayong season.
Samantala, walang makikita sa jersy ni Le-Bron James na social justice messages mula sa listahang aprubado lamang ng NBA.
“It was no disrespect to the list that was handed down to all the players,” sabi ni James sa isang conference call. “I commend anyone that decides to put something on the back of their jersey. It’s just something that didn’t seriously resonate with my mission, with my goal.”
Bilang pakikiisa ng NBA sa social justice movement na bunsod ng pagpatay sa black American na si George Floyd, pinayagan ang mga players na maglagay ng mga mensahe sa kanilang jersey ngunit kailangan nilang mamili mula sa inaprubahang listahan ng NBA at Players Union.
- Latest
