Events para sa 2023 FIBA World Cup hosting apektado

MANILA, Philippines — Dalawang malaking okasyon sana ang idaraos ng Pilipinas bago matapos ang taon para sa nakatakdang pagho-host ng 2023 FIBA World Cup.

Ngunit dahil sa coronavirus disease (CO-VID-19) pandemic ay hindi pa matiyak ng Samahang Basketbol ng Pilipinas (SBP) kung maidaraos nila ang logo launching at draw ceremony ng nasabing torneo.

“Mayroon na kaming napili (logo), of course it’s still confidential at hindi namin puwedeng ipakita sa inyo. Pero may napili na ‘yung tatlong bayan subject to formal approval ng FIBA Central Board,” ani SBP Executive Director Sonny Barrios kahapon sa Philippine Sportswriters Association (PSA) Forum. “Ang pinag-uusapan kung ‘yung launching na iyon ay actual ba o physical ‘yung parang may event na nandon tayo sa isang hotel or venue na may stage or digital launch lang for safety purposes. Iyon lang hindi pa namin madesisyunan,” dagdag pa nito.

Ang Pilipinas ang mamamahala sa 2023 FIBA World katuwang ang Japan at Indonesia.

Bukod sa logo launching ay problemado rin ang SBP sa draw cere-mony na nakatakda sana sa Setyembre.

“Iyong draw ceremony supposedly around last quarter of this year, very tentative pa rin yon,” ani Barrios. “Again dahil may COVID baka digital draw ceremony na lang. Unfortunately, for all of us nothing can be cast in stone this early.”

Ipinagpaliban din ng FIBA ang pagdaraos ng 3x3 qualifying tournament sa Mayo ng susunod na taon dahil sa COVID-19 pandemic.