Clarkson, Fil-Am PBA players nakisama rin
MANILA, Philippines — Nakiisa si Filipino-American NBA player at Gilas Pilipinas player Jordan Clarkson sa patuloy na protesta sa Amerika kasunod ng ‘di makatarungang pagkamatay ni George Floyd sa kamay ng awtoridad noong nakaraang linggo.
Dating manlalaro ng Lakers at Cavaliers, sumuporta ang Utah Jazz player ngayon na si Clarkson sa mapayapang demonstrasyon sa Los Angeles kasama ang free-agent na si JR Smith.
“I witnessed a peaceful protest. A lot of emotion and unity. The time for change has been passed due. Don’t’ forget the message because of the tone that is projected in,” ani Clarkson na nirepresenta ang bansa noong 2018 Asian Games.
Nag-upload din siya ng larawang may saad na “Fi-lipinos for black power.”
Isa si Clarkson sa maraming NBA player na naglabas ng hinaing laban sa diskriminasyon at kawalan ng katarungan sa Amerika na siyang ugat ng walang humpay na protesta sa gitna ng COVID-19 pandemic sa iba’t ibang siyudad doon.
Hindi rin nagpahuli ang ilang Filipino-American players ng PBA sa pagpapahayag ng kanilang damdamin kahit pa nasa Pilipinas sila ngayon.
Nanguna rito si Chris Ross ng San Miguel kasama sina Joe Devance ng Barangay Ginebra, Chris Newsome at Aaron Black ng Meralco.
“Riots do not develop out of thin air. Certain conditions continue to exist in our society. A riot is the language of the unheard. It’s failed to hear the promises of freedom & justice have not been met. As long as America postponed Justice these riots will happen,” ani Ross kalakip ang larawan ng alamat na si Martin Luther King Jr.
Hindi ito ang unang beses na napaghayag ng damdamin si Ross, na isa sa mga pinaka-aktibong PBA player pagdating sa social issues.
“No place for racism in the world. As a half black American that was raised here in the Philippines, I can truly say that different races can co-exist without all the hate. Starts with accepting other people as they are and not stereotyping based on one’s skin color or culture,” dagdag naman ng rookie na si Black.
- Latest
