Laban nina Casimero at Ancajas sa Las Vegas sa Abril kanselado
MANILA, Philippines — Ipinagpaliban na rin ang magkahiwalay na laban nina World Boxing Organization (WBO) bantamweight champion Johnriel Casimero at reigning International Boxing Federation (IBF) super flyweight titlist Jerwin Ancajas na parehong nakatakda sa Abril.
Ito ay matapos mag-anunsiyo ang Top Rank Promotions na kanselado ang lahat ng mga laban ngayong Marso maging ang mga bakbakan sa Abril dahil na rin sa patuloy na pagkalat ng coronavirus (COVID-19).
Naki-ayon ang Top Rank sa panawagan na kanselahin ang mga mass events upang hindi na tuluyang kumalat pa ang virus.
Ililipat sa ibang petsa ang mga laban kung kailan ligtas nang magsagawa ng mga sporting events.
Wala pang petsang inihayag ang Top Rank.
“Due to the COVID-19 pandemic, Top Rank has postponed all events scheduled for March and April. We are monitoring the situation closely and and will reschedule the shows as soon as it’s safe and reasonable to do so,” ayon sa statement ni Top Rank chief Bob Arum.
Kapakanan ng mga atleta, opisyales at mga fans ang pangunahing isinasaalang-alang ng Top Rank.
“The health and safety of our fighters, staff and ESPN’s incredible production team is the most important thing as we plan our next steps. We look forward to the day when we can bring our loyal fans world-class boxing once again but exercising caution is the most prudent thing to do at this moment,” ani Arum.
Sasalang sana si Casimero kontra kay International Boxing Federation at World Boxing Association bantamweight titlist Naoya Inoue sa unification bout sa Abril 25 sa Mandalay Bay Resort and Casino sa Las Vegas, Nevada.
Haharapin naman ni Ancajas sa kaniyang title defense si Mexican challenger Jonathan Rodriguez sa Abril 11 sa Cosmopolitan of Las Vegas.
- Latest
