High school at college events kinansela na ng UAAP
MANILA, Philippines — Mas lalo pang pinalawig ng University Athletic Association of the Philippines (UAAP) ang kanselasyon sa lahat ng sporting events sa kolehiyo ngayong Season 82 kasabay ng patuloy na pagdami ng kaso ng coronavirus disease-2019 (COVID-19) sa bansa.
Taliwas sa unang desisyon na inilabas ng liga na hanggang Marso 17 lamang ang pagpapaliban ng lahat ng sports sa college at high school ay nagpasya ang pamunuan na kanselahin na ito bilang tugon sa pagsasailalim sa NCR sa community quarantine mula ngayong araw hanggang Abril 14 at class suspension na tatagal hanggang Abril 12.
Sa pahayag na inilabas ng UAAP kahapon, tuluyan na nilang kinansela ang lahat ng high school events, kabilang ang lahat ng on-going at magsisimula pa lamang at sa girls’ basketball naman ay idineklara na co-champions ang UST at Adamson dahil tabla sa 1-1 ang kanilang serye.
“For college, the regular format of sporting events are likewise cancelled. If the government declares that it is safe to resume classes on April 15, 2020 and does not prohibit mass gathering, the UAAP will work toward alternative formats of competition to begin no earlier than May 1, 2020,” pahayag ng liga.
“We wil continue to coordinate with lead government agencies to determine protocols for the safety of everyone in or connected with the UAAP.”
Sa patuloy na paglobo ng bilang kumpirmadong kaso ng COVID-19 sa Pilipinas ay sinabi ng liga na hindi na ito usapin patungkol sa sports kundi isang public health issue na malaki ang epekto sa buong mundo.
Sunud-sunod ang pagkakansela ng malaking sporting events sa bansa, kabilang ang PBA, dahil sa banta ng nakamamatay na COVID-19.
- Latest