Mavericks pinabagsak ang Nuggets

DALLAS, Philippines — Kagaya ng kanyang mga players ay narinig din ni Mave­ricks coach Rick Carlisle ang desisyon ng NBA na suspindihin ang season ha­­bang nasa third quarter ang laro nila ng Denver Nuggets.

Ang pagtatapat ng Dallas at Denver ang na­ging huling laro na na­kum­pleto bago ang paha­yag ng NBA.

 Naiwasan ng Mave­ricks na mahulog sa una ni­lang three-game losing skid matapos talunin ang Nuggets, 113-97.

Kumolekta si center Bo­ban Marjanovic ng 31 points at 17 rebounds, habang may 28 markers si guard Luka Doncic para pa­munuan ang Dallas.

“This is because of just the league being concerned about the health of fans, players and arena personnel,” sabi ni Car­lisle. “There’s going to be more meetings and more talk tomorrow about what the next steps are. There’s no timetable.”

Nagdagdag si Tim Hard­away Jr. ng 17 points ka­sunod ang 15 mar­kers ni Maxi Kleber para sa Dallas, ang tanging ko­po­nan sa liga na hindi na­kalasap ng three-game lo­­sing slump.

Binanderahan ni Jamal Murray ang Denver mula sa kanyang 25 points kasunod ang 23 markers ni Will Barton.

Sa Atlanta, humugot si Mitchell Robinson ng li­ma sa kanyang 16 points sa overtime para tulungan ang New York Knicks na makatakas kontra sa Hawks, 136-131.

Isinalpak ni Robinson ang kanyang three-point play mula sa alley-oop slam sa huling 1:13 minuto sa extra period para ibi­gay sa New York ang 131-124 abante.

Pinamunuan ni guard Trae Young ang Atlanta mu­la sa kanyang itinalang 42 points, ang 27 ay hinataw niya sa fourth quarter, bukod pa ang 11 assists.

Sa Philadelphia, nag­pos­te si Joel Embiid ng 30 points at 14 rebounds sa kan­yang pagbabalik mula sa sprained left shoulder pa­ra akayin ang 76ers sa 124-106 paggupo sa Detroit Pistons.

Sa Miami, diniskaril ng Charlotte Hornets ang pagsikwat ng Heat sa play­off spot matapos ilista ang 109-98 panalo.

Humataw si Devonte’ Gra­ham ng 30 points para sa Hornets.