Tuluy-tuloy o hinay-hinay?
Sino ang mag-aakala na kahit na ang gaya ni Utah Jazz center Rudy Gobert ay puwedeng tamaan ng novel coronavirus disease (COVID-19)?
Walang dudang ang mga atleta ay isa sa mga taong may pinakamalusog na pangangatawan.
At ang pagtama ng COVID-19 kay Gobert ay pagpapatunay na walang immune sa disease na ito.
Kaya naman minabuti na rin ng NBA na isuspinde “until further notice” ang kanilang current season.
Parehong desisyon ang ibinaba ng PBA hours ahead.
Sa pagitan ng mga desisyon na inanunsyo ng PBA at NBA, patuloy namang umarangkada ang Division Finals ng MPBL sa harap ng apaw na manonood sa Lamitan, Basilan.
Pero patuloy pa rin bang aariba ang MPBL at isasagawa ang laro sa harap ng kanilang fans sa puntong wala pa ring tigil ang pagkalat ng COVID-19?
Height of insensitivity? Ito na ang bato at malamang na ibato ng ibang sports fans, lalo na ng mga kritiko.
Ito ay kahit sabihin nilang sa malayong lugar nila isinasagawa ang mga laro.
Ikunsidera na lang na ang North Finals na pinaglalabanan ng dalawang Metro Manila-based teams.
Kahit na ang South Division finalists ay may mga manlalarong galing sa Metro Manila kung saan nagsimula ang COVID-19 dito sa ating bansa.
Huwag naman sanang may makapagdala pa ng disease sa labas ng Metro Manila.
Kung walang measures na ipapatupad ukol sa health threat, nakatakdang ilaro ang Game Three sa dalawang divisional finale bukas.
Pinaglalabanan ng Davao Occidental at Basilan ang South title, samantalang pinag-aagawan ng San Juan at Makati ang North crown.
Pero maaaring bago lumabas ang column na ito ay pag-usapan na ng MPBL leadership ang bagay na ito.
Sana naman!
- Latest
