Basilan tinakasan ang Davao sa Game 1
TAGUM CITY, Philippines – Isinalpak ni Hesed Gabo ang isang short stab at nagtala si Jay Collado ng krusyal na supalpal para selyuhan ang 74-72 pagtakas ng Basilan Steel kontra sa Davao Occidental Tigers sa Game One ng kanilang Chooks-to-Go/MPBL Lakan Season South division finals kamakalawa ng gabi dito sa Davao del Norte Sports Complex.
Nakuha ng Tigers ang 72-71 abante mula sa triple ni June Mocon sa huling 45 segundo ng fourth period kasunod ang tirada ni Gabo para sa 73-72 bentahe ng Steel sa nalalabing siyam na segundo.
Sinupalpal naman ni Collado ang tangkang lay-up ni Billy Robles para sa huling posesyon Davao Occidental sa huling pitong segundo ng laro para ibalik ang bola sa Bataan.
Isinalpak ni chief gunner Allyn Bulanadi ang kanyang free throw sa natitirang limang segundo para sa 74-72 abante ng Steel.
Naimintis naman ni Mocon ang kanyang game-tying buzzer-beater para sa Tigers.
Maaari nang angkinin ng Basilan ang South division title kung muling tatalunin ang Davao Occidental sa Game Two ngayong gabi sa Lamitan City Sports Complex.
Binanderahan ni Bulanadi ang Steel sa kanyang 15 points, 9 rebounds at 5 steals, habang may tig-12 markers sina Bobby Balucanag at Jerald Bautista.
Nakahugot ang Tigers ng 15 points, 10 rebounds at 5 assists kay Robles, samantalang may tig-12 markers sina Mark Yee at Jerwin Gaco.
- Latest
