Team Lebron lusot sa Team Giannis
CHICAGO -- Nagsalpak si Anthony Davis ng isang free throw para tulungan ang Team LeBron sa 157-155 pagtakas kontra sa Team Giannis sa 69th NBA All-Star Game kahapon dito sa United Center.
Naimintis ni Davis, ang big man ng Los Angeles Lakers at ang first pick sa All-Star draft, ang una niyang foul shot bago isinalpak ang ikalawa para sa panalo ng tropa ni LeBron James.
“None of us knew what to expect,” wika ni James. “But throughout the whole fourth quarter and at the end of the game, everybody was like, ‘That was pretty damn fun.’”
Ibinigay kay Kawhi Leonard (Los Angeles Clippers) ng Team LeBron ang Kobe Bryant MVP Award mula sa tinapos niyang 30 points.
Ipinangalan kay Bryant ang All-Star MVP trophy bilang tribute sa namatay na Lakers legend.
“It’s very special,” sabi ni Leonard. “Like I said, I had a relationship with him. Words can’t explain how happy I am for it. Able to put that trophy in my room, in my trophy room, and just be able to see Kobe’s name on there, it just means a lot to me. He’s a big inspiration in my life. He did a lot for me.”
Nagdagdag naman si James ng 23 points at tumapos si Davis na may 20 markers.
Binanderahan ni superstar forward Giannis Antetokounmpo ng Milwaukee Bucks ang kanyang koponan sa iniskor niyang 25 points.
Ibinigay ni James ang 156-153 abante para sa Team LeBron na naputol ng Team Giannis sa 155-156 mula sa dalawang free throws ni Joel Embiid ng Philadelphia 76ers.
Kasunod nito ang free throw ni Davis mula sa foul ni Team Giannis guard Kyle Lorwry.
“It felt like the end of a playoff game, almost,” sabi ni Team Giannis head coach Nick Nurse ng Raptors. “Which was really cool I think.”
Naglaro ang Team LeBron para sa Chicago Scholars, nabiyayaan ng premyong $300,000.00, at ang Team Giannis para sa After School Matters.
- Latest
