Hiling ni Lillard na ipalit sa kanya si Booker pinagbigyan
CHICAGO -- Dininig ni Commissioner Adam Silver ang naunang suggestion ni Portland Trail Bla-zers star guard Damian Lillard.
Maglalaro si Phoenix Suns guard Devin Booker para sa una niyang NBA All-Star Game bilang kapalit ni Lillard, nagkaroon ng injury noong Miyerkules at sinabing hindi siya makakasali sa All-Star Game at maging sa 3-point competition.
Inirekomenda ni Lillard si Booker bilang kapalit niya sa All-Star Game.
“Hopefully somebody who should have been there and didn’t make it ... hopefully, Devin Booker or somebody like that will get the spot,” sabi ni Lillard ukol kay Booker, ang No. 10 sa NBA sa scoring ngayong season sa kanyang average na 26.4 points per game.
Naunang naramdaman ni Booker na inisnab siya ng mga voters at coaches nang hindi siya makasama sa original list para sa All-Star Game sa Linggo sa Chicago.
Si Silver ang may final call para sa mga injury replacements sa All-Star rosters.
Sa NBA rule, ang replacement player ay dapat magmula sa parehong conference ng injured player.
Maglalaro si Booker para sa Team LeBron ni LeBron James ng Los Angeles Lakers katapat ang Team Giannis ni Giannis Antetokounmpo sa All-Star Game.
- Latest