Lillard out sa All-Stars
PORTLAND – Nagkaroon si Trail Blazers guard Damian Lillard ng right groin strain sa second half ng 104-111 kabiguan ng Trail Blazers sa Memphis Grizzlies.
Nakatakda siyang sumailalim sa MRI, ayon kay Portland coach Terry Stotts.
Matapos ang nasabing laro ay sinabi ni Lillard na hindi siya maglalaro sa darating na All-Star Game at maski sa 3-point contest bunga ng kanyang injury.
“Obviously, that’s something you look forward to,” wika ni Lillard. “Those festivities and having fun, but my health is first.”
Nakatakda sanang maglaro si Lillard para sa Team LeBron matapos ang 3-point contest ng All-Star sa Linggo. Sinabi niyang manonood pa rin siya ng laro, ngunit hindi makikita sa aksyon.
Wala pang pahayag ang NBA kung sino ang ipapalit kay Lillard.
“Hopefully somebody who should have been there that didn’t make it, but unfortunately I had to be the fall guy,” wika ni Lillard. “But hopefully Devin Booker, someone like that, will get the spot.”
Nakuha ni Lillard ang naturang injury sa kanyang pagsalaksak sa basket sa huling 3:22 minuto ng fourth quarter laban sa Grizzlies.
Nabangga siya ni Memphis big man Jonas Valanciunas at masama ang bagsak.
- Latest
